साउदी अरेबियाले नवौँ शीतकालीन एसियन खेलकुद आयोजना गर्ने

शीतकालीन खेलकुद आयोजनाको प्रतिस्पर्धा जित्न साउदी अरेबियाले पाँच सय बिलियन डलर खर्चको प्रतिबद्धता जनाएको खबरमा उल्लेख छ । पर्यटकीय क्षेत्र ट्रोजेना परियोजनामा साउदी अरेबियाले सन् २०२६ सम्म पूर्वाधार तयार गरिसक्ने लक्ष्य लिएको छ । ट्रोजेना परियोजनामा आउटडोर स्किइङ, आइस हक्कीका लागि कृत्रिम हिउँ पारिने मैदान, मानव निर्मित ताजा पानीको ताल र नदीहरू पनि बन्नेछन् ।

साउदीका राजकुमार तथा खेलकुदमन्त्री अब्दुल अजीज बीन टर्की अल फैसलले खेल क्षेत्रमा आफ्नो बलियो उपस्थिति देखाउने अवसर स्वरूप २०२९ को शीतकालीन एसियन कप आयोजना गर्न पाउनु गर्वको कुरा भएको बताउनुभएको छ । शीतकालीन एसियन कप आयोजना गर्ने साउदी अरेबिया खाडी देश मात्र नभइ पश्चिम एसियाकै पहिलो देश बनेको छ ।