सर्लाहीमा साइकल यात्रीलाई ठक्कर दिने बसमा आगजनी
जनकपुरबाट मलंगवातर्फ जाँदै गरेको ग २ ख १४४० नम्बरको बसले सर्लाहीको कविलासी नगरपालिका वडा नम्बर १० सलेमपुरमा सोमबार बिहान साढे १० बजे स्थानीय जुगल महतोलाई ठक्कर दिएको थियो ।ठक्करबाट महतो गम्भीर घाइतेभएपछि आक्रोशीत स्थानीयले बसमा आगजनी गरेका हुन्।
गम्भीर घाइते महतोलाई उपचारका लागि काठमाडौं पठाइएको जिल्ला प्रहरी कार्यालय सर्लाहीका प्रहरी उपरीक्षक दयानिधि ज्ञावलीले जानकारी दिए । बसका चालक फरार रहेको र उनको खोजी भइरहेको उनले बताए। -मधेश खबरबाट