नेपाल विश्वविद्यालय विधेयक २०७९ पारित गर्नुपर्छ : शिक्षामन्त्री राई

बिहीबार राष्ट्रिय सभा अन्तर्गतको विधायन व्यवस्थापन समितिमा नेपाल विश्वविद्यालय विधेयक, २०७९ को सैद्धान्तिक छलफलका क्रममा उठेका प्रश्नहरुको जवाफ दिँदै मन्त्री राईले विधेयकलाई पारित गर्नुपर्ने बताउनुभएको हो ।

उहाँले विधेयकबाट सरकार पछि नहट्ने स्पष्ट पार्नुभयो । उहाँले नेपाल विश्वविद्यालयलाई छुट्टै इकाइको रुपमा मात्रै नहेरेर समग्र शैक्षिक परिस्थिति र परिवेश मिलाएर अगाडी बढाउनुपर्ने बताउनुभयो । उहाँले विधेयक अगाडी बढाउँदा कार्यान्वयन हुनेगरी गर्नुपर्ने बताउनुभयो । आगामी दिनमा कुनै त्रुटी र कमी नहुनेगरी विधेयकलाई अगाडी बढाउनुपर्नेमा उहाँको जोड छ ।

मन्त्री राईले नेपाल विश्वविद्यालयलाई नमूना विश्वविद्यालयको रुपमा स्थापित गर्नेगरी सोच्नुपर्ने बताउनुभयो । उहाँले विश्वविद्यालयलाई बनाउने गरी नै विधेयकमा संशोधन दर्ता गर्न सांसदहरुलाई आग्रह गर्नुभयो ।