चिनियाँ अर्बपति बाओ फ्यान हराए : कम्पनी

चिनियाँ इन्भेस्टमेन्ट बैंक (चाइना रिनासा) का अध्यक्ष तथा अर्बपति उद्योगी हराएका कम्पनीले शुक्रवार जनाएको छ । बैंकका कार्यकारी निर्देशकसमेत रहनुभएका बाओ फ्यान चिनियाँ प्रविधि उद्योग क्षेत्रका एक प्रमुख व्यक्ति हुनुहुन्छ । उहाँले विभिन्न घरेलु इन्टरनेट नेटवर्क स्थापनाका लागि महत्त्वपूर्ण भूमिका खेल्नुभएको छ ।

चाइना रिनासाले हङकङ स्टक एक्सचेन्जलाई जारी गरेको विज्ञप्तिमा भनिएको छ, ‘कम्पनीले बाओसँग सम्पर्क गर्न सकेको छैन ।’ याे वक्तव्यपछि कम्पनीको शेयर मूल्य ३० प्रतिशतसम्म घटेको छ ।

वित्तीय समाचार संस्था काइक्सिनका अनुसार ५२ वर्षीय बाओ फ्यानले कम्पनीका प्रमुख सम्झौता गर्ने र प्रशासन हेर्ने जिम्मेवारी रहेको थियो । चाइना रिनासासँग एएफपीले गरेको अनुरोधमा कम्पनीका कुनै अधिकारी यसबारे तत्काल थप प्रतिक्रिया दिन उपलब्ध हुन सकेनन् ।

सन् २००५ मा स्थापना भएको यस समूहले प्रमुख ई–कमर्स फर्म ‘जेडी डट कम’ सहित धेरै घरेलु इन्टरनेट सञ्चालकहरूको आईपीओको पर्यवेक्षण गरेको छ । बाओले सन् २०१५ मा प्रमुख राइड–हेलिङ फर्म दीदी र त्यस समयको यसको शीर्ष प्रतिस्पर्धी कुइदी डाचेबीच मर्जरको सुविधा पनि प्रदान गर्नुभएकाे थियो ।

यसअघि सन् २०१७ मा चिनियाँ मूलका क्यानेडियाली व्यापारी सियाओ जियानहुआलाई मुख्य भूमिका अधिकारीहरूले पक्राउ गरेका थिए र गएकाे अगस्टमा भ्रष्टाचारको आरोपमा उहाँलाई १३ वर्षको जेल सजाय सुनाइएको थियो ।

चिनियाँ कम्युनिस्ट पार्टीका शीर्ष नेतासँग घनिष्ठ सम्बन्ध राख्ने भनिएका अर्बपतिलाई बेइजिङबाट सादा पोसाकका प्रहरी अधिकारीहरूले हङकङको होटलको कोठाबाट अपहरण गरेको बताइएको छ । पक्राउ पर्दा जियाओ चीनका सबैभन्दा धनी व्यक्तिमध्ये एक थिए, जसको अनुमानित सम्पत्ति छ अर्ब अमेरिकी डलर थियो ।

काइक्सिनका अनुसार चाइना रिनासाका अध्यक्ष कङ लिनलाई गएकाे सेप्टेम्बरमा हिरासतमा लिइएको र अधिकारीहरूले सरकारी स्वामित्वको बैंक आईसीबीसीको वित्तीय पट्टा इकाइमा उहाँको कामको अनुसन्धान सुरु गरेका थिए ।