कोल्हबी–५ का वडाध्यक्षविरुद्ध वन मुद्धा चलाइने
बाराको कोल्हवी नगरपालिका–५ का वडाध्यक्ष नन्दकिशोर चौधरी विरुद्ध वन ऐन २०७६ अन्र्तगत मुद्धा दर्ता गरिने भएको छ । डिभिजन वन कार्यालय बाराले उनी विरुद्ध वन ऐन अन्तर्गत मुद्धा चलाउने तयारी गरेको हो ।
उनलाई शनिबार प्रमुख वन अधिकृत विनोद कुमार सिंहलाई अभद्र व्यवहार गरेको आरोपमा पक्राउ गरिएको थियो ।
वन डिभिजन कार्यालयले अतिक्रमण हटाएर वृक्षारोपण गरेको जमिनको विषयमा छलफल भइरहँदा वडाध्यक्ष चौधरीले अपशब्द प्रयोग गरेका थिए । डिभिजन वन कार्यालय बाराले राष्ट्रिय वन क्षेत्रको अतिक्रमण हटाएर गरिएको वृक्षारोपण मास्ने कार्यमा वडा अध्यक्ष चौधरीको समेत संलग्नता देखिएको दावी गरेको छ ।
घटनाको अनुसन्धानका लागि वन कार्यालयले अनुसन्धान अधिकृत तोकिसकेको छ । प्रारम्भिक अनुसन्धानको क्रममा वडा अध्यक्ष चौधरी समेतको संलग्नतामा विरुवा नष्ट गरिएकोले वनसम्बन्धी कसुरमा मुद्धा चलाईने प्रमुख वन अधिकृत सिंहले बताए ।