हामीलाई कोही धराप थाप्न नआए हुन्छ, गठबन्धन पाँच वर्ष जान्छ : थापा

उनले गठबन्धन जोगाउन कांग्रेस सबैभन्दा बढी जिम्मेवार भएर लाग्ने बताए।  उनले एमालेले अब जस्तोसुकै अफर दिएर पनि गठबन्धन भत्काउन नसक्ने संकेत गरे। फागुन २५ पछि एमाले र कांग्रेसको सहकार्य भनेर भ्रम फैलाउन खोजिएकोतर्फ संकेत गर्दै थापाले पाँच वर्ष नजिस्क्याउन आग्रह गरे।

उनले भने, ‘नेपाली कंग्रेससँग कोही चकचक गर्न नआए हुन्छ । अस्ति जे समझदारी गरेर आएका छौं, त्यसबाट दायाँबायाँ हुँदैन, कोही धराप थाप्न नआए हुन्छ। कसैले अल्मलाउन नखोजे हुन्छ। यसपटक केही निस्कने वाला छैन। नेकपा एमालेले राष्ट्रपतिका लागि ८ दलीय गठबन्धनमा रहेका दलका पार्टी कार्यालयमा पुगेर मत माग्दै भ्रम छरिरहेको थापाको आरोप छ।