पर्सा – ४ का सांसद रमेश रिजाल उद्योग वाणिज्य तथा आपूर्तिमन्त्रीमा नियुक्त
पर्सा क्षेत्र नम्बर ४ का सांसद रमेश रपजाल संघीय सरकारकाे उद्योग वाणिाज्य तथा आपूर्ति मन्त्री बनेका छन् ।
यसअघ परराष्ट्रमन्त्री बन्ने चर्चा चलेपनि रिजाललाई प्रधानमन्त्री पुष्पकमल दाहाल प्रचण्डले उद्योग वाणिाज्य तथा आपूर्तिमन्त्रीमा नियुक्त गरेका हुन् ।
पर्सा -४ मा नेपाली कांग्रेसबाट तेस्रोपटक सांसदमा निर्वाचित रिजाल पार्टी सभापति शेरबहादुर निकट मानिन्छन् ।
शुक्रबार प्रधानमन्त्री कांग्रेस, जनता समाजवादी पार्टी लगायतका दललाई समेटेर मन्त्रीमण्डल विस्तार गरेका हुन् । प्रधानमन्त्री प्रचण्डले कांग्रेसको सिफारिसमा चार सांसदलाई मन्त्री नियुक्त गरेका छन् । उपसभापति पूर्णबहादुर खड्का उपप्रधान तथा रक्षामन्त्री भएका छन् भने डा. प्रकाशशरण महत अर्थ र सीता गुरुङ शहरी विकासमन्त्री भएकी छन् ।
जनता समाजवादी पार्टी (जसपा)को सिफारिसमा अशोक राई शिक्षा विज्ञान तथा प्रविधिमन्त्री भएका छन् ।
यस्तै नेकपा एकीकृत समाजवादीका उपाध्यक्ष बेदुराम भुसाल कृषि तथा पशुपक्षी विकास र उपमहासचिव प्रकाश ज्वाला भौतिक पूर्वाधार तथा यातायातमन्त्री नियुक्त भएका छन् ।
माओवादी केन्द्रबाट उपमहासचिव शक्ति बस्नेत ऊर्जा, जलस्रोत तथा सिंचाइ मन्त्री बनेका छन्।
नवनियुक्त मन्त्रीहरुकाे शपथग्रहण शुक्रबार नै अपरान्ह ३ बजेपछि हुने प्रधानमन्त्रीकाे सचिवालयले जनाएको छ।