टी–२० विश्व कपमा नामिबियाले श्रीलङ्कालाई हरायाे

नामिबियाले दिएकाे एक सय ६४ रनकाे लक्ष्य पछ्याएकाे श्रीलङ्काले १९ ओभरमा अलआउट हुँदै एक सय आठ रनमात्र बनाउन सक्याे । श्रीलङ्काका लागि कप्तान दसुन शनाकाले २९ र भानुका राजपाक्षले २० रन बनाए । बलिङतर्फ नामिबियाका डेभिड विस, बेर्नार्ड, बेन शिकाेङ्गाे र जान फ्रिलिङ्कले दुई–दुई विकेट लिए ।

यसअघि टस हारेर पहिले ब्याटिङ गरेकाे नामिबियाले निर्धारित २० ओभरमा सात विकेट गुमाएर एक सय ६३ रन बनायाे । नामिबियाका लागि जान फ्रिलिङ्कले ४४  जेजे स्मिटले ३१ रन बनाए । बलिङतर्फ प्रमाेद मदुशानले दुई विकेट लिए ।