जंगी अड्डामा सुरु भयो सेनाको पृतनापति समन्वयात्मक बैठक
यस्तै कोभिड १९ महामारी लगायत विभिन्न विपद्को दौरानमा सेनाले अग्रपंक्तिमा खटिई अभूतपूर्व काम गरेको पनि उनको भनाइ थियो । रक्षामन्त्रीले नेपाली सेनाको दीर्घकालीन सोच–२०८७, नेपाली सेनाको सांगठनिक पुनर्संरचना२०७८, नेपाली सेनाको सांगठनिक पुनर्संरचना–२०७८ (परिमार्जित), राष्ट्रिय सुरक्षा नीति र प्रतिरक्षा नीतिको कार्यान्वयन योजना लगायत अन्य मार्गनिर्देशक दस्तावेजहरु बमोजिम राष्ट्रिय सुरक्षा सुनिश्चित गर्न रक्षा मन्त्रालयले समन्वय गर्नेपनि सो क्रममा उल्लेख गरे ।
कार्यक्रममा प्रधान सेनापति प्रभुराम शर्माले राष्ट्रिय स्वतन्त्रता, भौगोलिक अखण्डता, सार्वभौमसत्ता एवं राष्ट्रिय एकता कायम गर्नु नेपाली सेनाको प्रमुख जिम्मेवारी भएको बताए । उनले सैनिक अपरेशनहरुमा सकलदर्जाको पेसागत दक्षता अभिवृद्धि गर्ने उद्देश्य अनुरुप आन्तरिक एवं विदेशी सेनासँग सहकार्य गरी विभिन्न तालिमहरु सञ्चालन भईरहेको समेत उल्लेख गरे । आज आयोजित समुद्घाटन कार्यक्रममा रक्षा सचिव किरणराज शर्मा लगायत रक्षा मन्त्रालयका अधिकारीहरुसमेत सहभागी रहेको सेनाले जनाएको छ ।