राष्ट्रसंघकाे सुरक्षा परिषदमा अफ्रिकाले पनि प्रतिनिधित्व गर्नुपर्ने जापानको जोड
आइतबार कोरोना संक्रमित हुुनुभएका उहाँले भिडियो मार्फत सम्मेलनलाई सम्बोधन गर्नुभएको थियो। प्रधानमन्त्री किशिदाले सम्बोधनका क्रममा अफ्रिकाको विकासका लागि ३० अर्ब डलर लगानी गर्ने प्रतिवद्धता समेत गर्नुभएकाे छ ।
उहाँले विभिन्न क्षेत्रमा अलग सहायता कार्यक्रमको पनि घोषणा गर्नुभएको थियो । संयुक्त राष्ट्र संघले शान्ति र स्थायित्वका निम्ति प्रभावकारी काम गर्ने हो भने सम्पूर्ण संयुक्त राष्ट्र संघलाई सुरक्षा परिषद सुधार गरेर सबल बनाउन आवश्यक रहेको उहाँको भनाइ छ ।
संयुक्त राष्ट्रसंघको सुरक्षा परिषदमा १५ सदस्य मध्ये ५ स्थायी सदस्य रहेका छन् । ती सदस्य राष्ट्रहरूले मन नपरेको मुद्दामा हुने बहस तथा मतदानमा भिटो लगाउन सक्नेसम्मको अधिकार रहेको छ । संयुक्त राष्ट्रसंघीय सुरक्षा परिषदमा हाल अमेरिका, रुस, चीन, फ्रान्स र बेलायत गरी ५ जना स्थायी सदस्य रहेका छन् । त्यसबाहेक अन्य १० सदस्य भने २ वर्षका लागि चुनिने गरेका छन् ।