प्रधानमन्त्री प्रचण्ड र अध्यक्ष ओलीबिच समसामयिक विषयमा छलफल

प्रधानमन्त्री प्रचण्डका प्रेस सल्लाहकार गोविन्द आचार्यका अनुसार बालुवाटारमा उहाँहरूबिच भएको छलफलमा राष्ट्रिय सभा अध्यक्षको निर्वाचन, प्रधानमन्त्रीले फागुन ३० गते प्रतिनिधि सभाबाट लिने तयारी गर्नुभएको विश्वासको मतको विषय र सरकारको न्यूनतम साझा कार्यक्रम लगायत विषयमा छलफल भएको छ ।

उहाँले भन्नुभयो, “राष्ट्रिय सभाको अध्यक्षको निर्वाचन, पर्सी ३० गते प्रधानमन्त्रीलाई विश्वासको मत लिने विषय, सरकारको न्यूनतक साझा कार्यक्रम लगायत समसामयिक राजनीतिक विषयमा छलफल भएको छ ।” सत्ता गठबन्धन दलका नेताहरूबिच यस्तो छलफल नियमित जारी रहने उहाँले बताउनुभयो ।