कांग्रेस नेतृत्वमा ८ दलीय गठबन्धन नै नबनेको ओलीको दावी
नेकपा एमालेका अध्यक्ष केपी शर्मा ओलीले नेपाली कांग्रेस नेतृत्वमा ८ दलीय गठबन्धन नै नबनेको दावी गर्नुभएको छ । अध्यक्ष ओलीले पार्टीको तर्फबाट सुवास नेम्वाङले राष्ट्रपति पदका लागि उम्मेदवारी दिएपछि शनिबार दिउँसाे सञ्चारकर्मीसँग कुराकानी गर्दै यस्ताे दावी गर्नुभएकाे हाे । उहाँले ८ दलबीच राष्ट्रपतिमा कांग्रेसलाई सघाउने कुनै पनि सहमति नभएको दावी समेत गर्नुभयो ।
अध्यक्ष ओलीले नेम्वाङलाई राष्ट्रपति पदमा विजयी गराउनका लागि सिंगै नेपाली जनताको, मिडिया क्षेत्रको पनि साथ रहने बताउनुभयो ।