अत्यधिक भिड भएपछि प्रहरीले बन्द गरायो सिमान्त केसीको क्लिनिक
सामाजिक सञ्जाल (टिकटक) मा भाइरल सिमान्त केसीको क्लिनिक प्रहरीले बन्द गराएको छ । काठमाडौँको तार्केश्वर नगरपालिका–७ स्थित ढलमल पुल नजिकै रहेको क्लिनिक अत्यधिक भिडका कारण बन्द गराएको प्रहरी वृत्त बालाजुका डीएसपी मनोजीत कुँवरले रातोपाटीलाई बताए । ‘हिजोबाट क्लिनिक बन्द छ’ डिएसपी कुँवरले भने–‘अत्यधिक भीड भएपछि बन्द गर्न आग्रह गरेका हौं ।’
सिमान्तसँग उपचार गराउन काठमाडौँ बाहिरबाट पनि अत्यधिक मानिसहरू आउने गरेका छन् । प्रतिव्यक्ति १ हजार लिएर उनले दैनिक ४ सय जनाको उपचार गरिरहेको कुरा सामाजिक सञ्जालमा उनले नै बताएको भिडियो पोस्ट गरिएको छ ।