कामका लागि विभिन्न ठाउँमा भौतारिइन्, तर रनरअप भएको दुई वर्षसम्म उनले कुनै काम पाइनन् । उनले पहिरिएको ताजले कुनै काम गर्न सकेन । उनले दुई वर्षपछि भने बल्ल अहिले काम पाएकी छन् ।
मिस इन्डिया रनरअप भएपछि बुवाले अटो चलाउनु पर्दैन । आमाले लोकल ट्रेनमा धक्कामुक्का गर्दै यात्रा गर्नु पर्दैन होला भन्ने उनले सोचेकी थिइन् । तर न उनका सपना पूरा भए न आमाबाले सुख नै पाउन सके । र, आजपर्यन्त मान्याका बुवा अटो चलाइरहेका छन् भने आमा लोकल ट्रेनमा उही धक्कामुक्का सहँदै यात्रा गरिहेकी छन् ।
टीभी रियालिटी शो बिग बोसका प्रस्तोता एवं अभिनेता सलमान खानलाई आफ्नो र परिवारको संघर्ष सुनाउँदा मान्या भावुक बनिन् । मिस इन्डियाको रनरअप भएपछि उनी अडिसन दिन हरेक बिहान वर्सोवा पुग्थिन् । तर उनको प्रयास कहिल्यै सफल भएन । एक दिन कसो सफल नभइएला र भन्दै उनी निरन्तर आफ्नो कर्ममा लागिरहिन् ।
मान्या अहिले बिगबोसमा आएकी छन् । उनी यो शोबाट पैसा कमाएर बुबाआमालाई सुखमा राख्न चाहन्छिन् । मान्याको कुरा सुनेपछि सलमानले उनका हरेक इच्छा पूरा हुने बताए ।
मान्या उत्तर प्रदेशकी हुन् । आफ्नो वास्तविक जिन्दगी कस्तो छ भनेर देखाउन बिग बोसमा आएको उनी बताउँछिन् । जिन्दगीका कठिन घडीबाट अगाडि बढ्दै आएकी मान्याले बिग बोसमा कस्तो काम गर्छिन् त्यो हेर्न भने बाँकी छ । मान्याले बिग बोसमा आफ्नो ग्ल्यामरको जादू छर्ने विश्वास गरिएको छ ।