६९ जना गैह्रसैनिकलाई प्रधानसेनापति प्रशंसा निशान

नेपाली सेनाको २६० औं सेना दिवसको अवसरमा प्रधान सेनापति प्रभुराम शर्माले ६९ जना गैह्र सैनिकलाई प्रधान सेनापति प्रशंसा निशान प्रदान गरेका छन् । वार्षिकोत्सवको अवसरमा सैनिक मञ्ज टुँडिखेलमा आयोजित समारोहमा प्रधान सेनापति शर्माले प्रशंसा निशान प्रदान गरेका हुन् ।

प्रधानसेनापति प्रशंसा निशानबाट सम्मानित हुनेमा संयुक्त राष्ट्रसंघका लागि नेपालको स्थायी नियोगका प्रतिनिधि अमृतबहादुर राई, गोरखा नगरपालिकाका मेयर कृष्णबहादुर राना मगर, उप–मेयर मसली माया थोकर, पर्यटन विभागका महानिर्देशक तारानाथ अधिकारी छन् ।  सशस्त्र प्रहरी अस्पतालमा कार्यरत चिकित्सक (डिएसपी) डा. सौरभ श्रेष्ठ, केन्द्रीय अनुसन्धान ब्यूरोका इन्स्पेक्टर हिरेन्द्र रोकाया र नेपाल प्रहरी अस्पतालका चिकित्सक (डिएसपी) डा.सरोज सिंहलाई पनि प्रशंसा निशान प्रदान गरिएको छ ।

महाशिवरात्री तथा सेना दिवसको अवसरमा सेनाले विभिन्न ७ निकायलाई प्रधान सेनापति कदर पत्र प्रदान गरेको छ । गोरखा नगरपालिका, सिन्धुपाल्चोक स्थित भोटेकोशी गाउँपालिका र राष्ट्रिय आविष्कार केन्द्र सहित ७ निकायलाई प्रधान सेनापति शर्माले कदर पत्र प्रदान गरेका हुन् ।