राप्रपा सांसदले सुनाइन् संसद बैठकमा गायत्री मन्त्र
राष्ट्रिय प्रजातन्त्र पार्टी (राप्रपा) की सांसद बिना जैसवालले संसद बैठकमा गायत्री मन्त्र सुनाएकी छन् । मंगलबार प्रतिनिधिसभाको बैठकमा शून्य समयमा उनले सबै सांसदहरुको ध्यानाकर्षण गराउँदै गायत्री मन्त्र वाचन गरेकी हुन् ।
सांसद जैसवालले आफू सबै धर्म एउटै हो भन्नेमा दृढ विश्वास राख्ने भन्दै उनले तर आफ्नो धर्ममा गर्व गर्ने बताइन् । धर्ममा भेद नरहेको, मान्छेको मनमा भेद रहेको उल्लेख गर्दै उनले नेपालमा सर्वधर्म समभाव रहेको बताइन् ।