यूएईद्वारा नेपालाई २६४ रनको लक्ष्य

युएईका लागि रोहन मुस्तफाले ५३ रनको अर्धशतकीय पारी खेले । ७३ बल खेलेका उनले ७ चौका प्रहार गरे । यस्तै मुहमद वासिमले ४४ रन बनाउँदा भ्रित्य अरभिन्दले ४० रनको योगदान गरे । यूएईका लागि एलिशन शाराफुले २९ रनको योगदान गर्दा बसिल हामिदले १४ जोडे । नेपालका गुलशन झाले दुई विकेट लिए । त्यस्तै सोमपाल कामी र दीपेन्द्र सिंह ऐरीले एक÷एक विकेट लिए ।

नेपाल आजको खेलमा सहज जित निकाल्दै सिरिजमा सुखद सुरुवात गर्ने योजनामा छ । नेपाल र युएईबीच तीन खेलको सिरिज हुनेछ । युएई र नेपालबीचको दोस्रो एकदिवसीय अन्तराष्ट्रिय बुधबार तथा तेस्रो खेल शनिबार हुनेछ ।