मिटरब्याज पीडितका माग पूरा नगरे सडक संघर्ष गर्ने अध्यक्ष लिङ्देनकाे चेतावनी
मंगलबार प्रतिनिधिसभामा आकस्मिक समय लिएर बोल्दै उहाँले यस्ताे बताउनुभएकाे हाे । उहाँले मिटरब्याज पीडितहरुको मागलाई सम्बोधन गर्नुको साटो सरकारले उनीहरुमाथि सोमबार निर्मम ढंगले आक्रमण गरेको उल्लेख गर्दै निन्दा र भत्सर्ना समेत गर्नुभयो । गरीब र निमुखा ति मानिसहरुमाथि किन आक्रमण गर्नु परेको भनेर सरकारलाई अध्यक्ष लिङ्देनले प्रश्न समेत गर्नुभयो ।
उहाँले सर्वहारा वर्गको अधिनायकत्व स्थापना गर्ने सपना बाँडेर हिंडेको पार्टी नेतृत्वको सरकारले पनि उनीहरुमाथि आक्रमण गर्ने काम गर्नु आपत्तिजनक रहेको बताउनुभयो ।
पीडित पक्षको अभिभावकीय भूमिकामा सरकार नरहेको भन्दै अध्यक्ष लिङदनले असन्तुष्टि समेत व्यक्त गर्नुभयो ।