पर्सामा ८ वटा चोरीको मोटरसाईकल सहित ४ जना पक्राउ

पक्राउ परेका रामप्रवेश पटेललाई प्रहरीको हिरासतमा राखेर अनुसन्धान गर्दा बिभिन्न मितिमा समेत चोरी भएका थप मोटरसाईकल सहित उनीहरुलाई समेत प्रहरीले पक्राउ गर्न सफल भएको जिल्ला प्रहरी कार्यालय पर्साले जनाएको छ ।

प्रहरीले उनीहरूको साथबाट बिभिन्न मितिमा चोरी भएको ना ५२ प ५०२४, ना २७ प ७८४७, ना ११ प ११२१, ना ५३ प ७१०६, ना ३७ प ९८१८, ना ४६ प ८६२७ र प्र०३–००८ प ७१८६ नम्बरको मोटरसाइकलहरू नियन्त्रणमा लिएको छ । पक्राउ परेका चारै जनालाई प्रहरीको हिरासतमा राखेर थप अनुसन्धान भईरहेको प्रहरीले जानेको छ ।

यसैगरी वीरगंजको बिभिन्न स्थानमा वेवारिसे अवस्थामा रहेको ५ वटा मोटरसाईकल आफ्नो नियन्त्रणमा लिएर थप अनुसन्धानको लागी जिल्ला प्रहरी कार्यालय पर्साको जिम्मा लगाईएको वडा प्रहरी कार्यालय विर्ताका प्रहरी निरीक्षक बिशाल मल्लले जानकारी गराउनुभएको हो ।