धनुषाबाट समानुपातिकतर्फ प्रतिनिधि सभामा ५ र प्रदेश सभामा १० सांसद छानिए

एमालेबाट समानुपातिक सांसद बनेकी प्रतीक्षा तिवारी मुखिया पनि संविधान सभा २ मा माओवादी केन्द्रबाट प्रतिनिधि सभा सदस्य बन्नुभएकाे थियाे । माओवादी परित्याग गरेपछि यसपालि उहाँलाई एमालेले समानुपातिक तर्फबाट प्रतिनिधि सभा सदस्य बनाएको छ । मनिष झा र अनिता देवी साह भने पहिलाे पटक सांसद बन्नुभएकाे हाे ।

अनिता देवी साह जनकपुरधाममा भएको बमकाण्डमा दोषी देखिएपछि जेल पर्नु भएका पूर्व मन्त्री सञ्जय साह टकलाकी बहिनी हुनुहुन्छ । प्रदेश सभामा समानुपातिकतर्फ कांग्रेसबाट अञ्जना पण्डित, एमालेबाट पलेटीदेवी महरा, पल्टीदेवी यादव, फुलोकुमारी देवी, शिला यादव, नाजिमा खातुन, एकीकृत समाजवादीबाट रत्नेश्वर गोइत यादव, माओवादीबाट शारदा दास पहाडी, सुनिता यादव र जसपाबाट ममता मण्डलकाे नाम पठाइएकाे छ ।

एमालेबाट रघुवीर महासेठ र उहाँकी पत्नी जुलीकुमारी महतो भने प्रतिनिधि सभामा प्रत्यक्षतर्फबाटै विजयी भइसकेका छन् । महासेठ धनुषा क्षेत्र नम्बर ४ र महतो धनुषा ३ बाट विजयी भएका हुन् ।

यस्तै, एमालेले प्रदेश सभामा धुनषाबाट एकै पटक पाँच जनालाई सांसद बनाएको छ । धनुषा २ (१) बाट लखन दास, धनुषा ४ (२) बाट हरिनारायण महतो, धनुषा ३ (२) मा दिपेन्द्र ठाकुर, धनुषा १ (२) बाट रामचन्द्र मण्डल विजयी भएका छन्। मधेस प्रदेशमा धनुषा जिल्लाबाट नागरिक उन्मुक्ति पार्टी, नेपाल सङ्घीय समाजवादी पार्टी, जनमत, लोसपा र राप्रपाबाट भने समानुपातिकतर्फ सांसद चुनिएका छैनन् ।