चीनको ग्लोबल सेक्युरिटी इनिसिएटिभमा नेपाल संलग्न भए/नभएकोबारे प्रष्ट पारियाेस् : काेइराला

चिनियाँ राजदूत होउ यान्छीको एउटा दैनिकमा छापिएको लेखमा पनि त्यही आशयको भनाइ प्रकाशित भएको र राष्ट्रिय सभाका अध्यक्षसँगको भिडिओ कन्फेरेन्समा चिनियाँ सरकारका उच्च राजनीतिक सल्लाहकारले ग्लोबल सेक्युरिटी इनिसिएटिभमा नेपालले सहयोग गरेबापत धन्यवाद ज्ञापन र स्वागत गर्दछौँ भनेको कुराले आशङ्का जन्माएको कोइरालाको भनाइ छ ।

कुनै पनि सेक्युरिटी अलाइन्समा सहमति नगर्ने नेपालको नीति रहेको भन्दै कोइरालाले चीनले अगाडि सारेको ग्लोबल सेक्युरिटी इनिसिएटिभमा नेपाल संलग्न भएरनभएको बारे परराष्ट्रमन्त्रीले जवाफ दिनुपर्ने बताउनुभयो । बैठकमा बोल्दै नेत्री कोइरालाले उत्तरी नाका लामो समयदेखि बन्द हुँदा व्यापार, व्यवसाय प्रभावित भएको भन्दै कुटनीतिक संवादमार्फत समस्याको समाधान गर्न पनि आग्रह गर्नुभयो ।