अमेरिकाबाट दिल्ली जाँदै गरेको एयर इन्डियाको विमान स्विडेनमा आपत्कालीन अवतरण

अमेरिकाबाट दिल्ली आउँदै गरेको एयर इन्डियाको विमान स्विडेनमा आपत्कालीन अवतरण भएको छ ।
अमेरिकाको नेवार्क (न्यु जर्सी)बाट करिब तीन सय यात्रु बोकेर दिल्लीका लागि उडेको एयर इन्डियाको ‘एआई–१०६’ उडानलाई स्टक होम (स्विडेन)मा आकस्मिक अवतरण गर्नुपरेको हो ।

समाचार एजेन्सी पीटीआईका अनुसार विमानको एउटा इन्जिनबाट तेल चुहिएपछि आपत्कालीन कदम चाल्दै विमानलाई स्टक होमतर्फ मोड्नुपरेको थियो । आकस्मिक अवतरणलाई ध्यानमा राख्दै स्टक होम एयरपोर्टमा धेरै फायर इन्जिनहरू तैनाथ गरिएको बताइएको छ ।

तर, क्षतिको कुनै पनि खबर भने आएको छैन । विमानमा सवार सबै यात्रु सकुशल रहेको दाबी गरिएको छ ।

Share your love