स्वास्थ्य क्षेत्रकाे जनशक्ति विकासका लागि याेजना बनाउन ध्यान दिनुपर्छ : राष्ट्रपति

काठमाण्डाैकाे थापाथलीमा रहेकाे परोपकार प्रसूति तथा स्त्री रोग अस्पतालको ६३ औँ वार्षिकोत्सवको अवसरमा शुक्रवार आयोजित एक कार्यक्रममा बोल्दै उहाँले याे अस्पतालको सेवालाई अझ प्रभावकारी र गुणस्तरीय बनाउँदै लैजाने काममा थप सफलता मिल्ने विश्वाससमेत व्यक्त गर्नुभयो । राष्ट्रपति भण्डारीले याे अस्पतालले बाल मृत्युदर घटाउनसमेत उल्लेख्य योगदान दिएको पनि स्मरण गराउनुभयो ।

राष्ट्रपति भण्डारीले कोभिड–१९ सङ्क्रमणको कठिन समयमा पनि बिरामीको उपचारमा कमी हुन नदिएको भन्दै अस्पतालका चिकित्सकसहितका स्वाथ्यकर्मीको पनि प्रशंसा गर्नुभयो ।

कार्यक्रममा बोल्दै स्वास्थ्य तथा जनसङ्ख्या राज्यमन्त्री हिराचन्द्र केसीले आम नागरिकले सेवा पाउने गरी याे अस्पतालको सेवा सबै जिल्ला र प्रदेशमा विस्तार गर्ने प्रतिबद्धता व्यक्त गर्नुभयो । उहाँले त्यसका लागि सरकारले आवश्यक अत्याधुनिक मेशिनहरू नेपाल भित्र्याउने कामलाई अघि बढाएको पनि बताउनुभयो ।