सप्तरीमा ट्र्याक्टर अनियन्त्रि भएर दुर्घटना हुँदा चालकको मृत्यु भएको छ।
आइतबार बिहान करिब १० बजे जिल्लाको बोदेबर्साइन नगरपालिका–३ सारसर पुर्बारी टोलस्थित भित्री सडकखण्डमा प्र–२–०१–००१ त २५१७ नम्बरको ट्र्याक्टर अनियन्त्रित भएर दुर्घटना भएको हो।
दुर्घटनामा सोही नगरपालिकाको वडा नं. १ धनगढी बस्ने २२ वर्षीय पंकज यादवको मृत्यु भएको जिल्ला प्रहरी कार्यालय सप्तरीले जनाएको छ।
घटनास्थलमै मृत्यु भएका युवकको शव पोष्टमार्टमका लागि अस्पतालमा पठाइएको तथा यस सम्बन्धमा थप अनुसन्धान भइरहेको सप्तरीका प्रहरी प्रवक्ता प्रहरी नायब उपरीक्षक नरेशकुमार सिंहले जानकारी दिए।