मोटरसाइकललाई ठक्कर दिएर फरार रहेका ट्रक चालक पक्राउ परेका छन्।
असोज २ गते मोरङको कटहरी गाउँपालिका-४ चम्राही चोकमा प्रदेश १-०५००१ ख ००७७ नम्बरको ट्रकले ठक्करबाट को १३ प ३० नम्बरको मोटरसाइकललाई ठक्कर दिएको थियो।
ट्रकको ठक्करबाट गम्भीर घाइते भएका मोरङको बुढिगंगा गाउँपालिका-१ का ३५ वर्षीय चन्द्रमणी अधिकारीको उपचारका क्रममा कोशी अस्पतालमा असोज १८ गते मृत्यु भएको थियो।
घटनापछि फरार रहेका ट्रकका चालक सिराहाको कल्याणपुर नगरपालिका-१२ का ४० वर्षीय श्यामसुन्दर महतोलाई शुक्रबार पक्राउ गरिएको मोरङका डिएसपी रञ्जन दाहालले जानकारी दिए।
पक्राउ परेका महतोविरूद्ध शुक्रबार नै जिल्ला अदालतबाट सवारी ज्यान कसुरमा पाँच दिनको म्याद थप गरी अनुसन्धान अगाडि बढाइएको डिएसपी दाहालले जानकारी दिए।
