भूमिगत संगठनको नाममा चन्दा उठाउने ४ जना पक्राउ

जिल्ला प्रहरी कार्यालय कपिलवस्तुकी प्रहरी निरीक्षक शैलेश्वरी बोहराका अनुसार गत कात्तिकमा कपिलवस्तुमा २ वटा ट्रक र एउटा मोटरसाइकल जलाएको तथा विभिन्न व्यक्तिसँग धम्कीपूर्ण रुपमा चन्दा उठाएको आरोपमा उनीहरुलाई पक्राउ गरेको हो।

त्यस्तै उनीहरुले गत पुसको १६, १७ र १८ गते कृष्णनगर नगरपालिका-९ बहादुरगञ्जका ३४ वर्षका वुद्धकुमार अग्रहरिलाई फोन गरेर २५ लाख रुपैयाँ चन्दा माग गरेकाे प्रहरीले जनाएकाे छ । चन्दा नदिए भौतिक आक्रमण गर्ने चेतावनी दिएकाे सूचना आएपछि प्रहरीले उनीहरुकाे खाेजी सुरु गरेकाे थियाे ।