पक्राउ पर्नेमा भारतको बिहार राज्य जिल्ला लख्खी शेराई ग्रामपञ्चायत बडीपोखरी वडा नं.९ बस्ने पप्पु सहनीकी अन्दाजी १६ वर्षीया छोरी पूजा कुमारी सहनी रहेको सशस्त्र प्रहरीले जनाएको छ ।
जनकपुरधामको रेल्वे स्टेसन जनिक रहेको हनुमान मन्दिरबाट मंगलबार साँझ पोने ८ बजे सशस्त्र प्रहरीले उनलाई पक्राउ गरेको हो ।
रेल्वे सुरक्षा बेस जनकपुरधामबाट खटिएको सशस्त्र प्रहरी टोलीले विशेष सूचनाको आधारमा चेकजाँच गर्दा एक थान कटुवा पेस्तोलसहित उनलाई नियन्त्रणमा लिएको सशस्त्र प्रहरी धनुषाले जनाएको छ ।
प्रहरीले उनको साथबाट नेपाली ६५ रुपैयाँ, भारतीय फाइभ–जी सिम एक थान र चाँदीको जस्तो देखिने मालाको लकेट एक थानसमेत बरामद गरेको छ ।