आइतवारको प्रतिनिधि सभा बैठकमा बोल्दै नेपाली काँग्रेसका सांसद सञ्जयकुमार गौतमले गृहमन्त्रीमाथि छानविन गर्नुपर्नेमा गृहमन्त्रीको जिम्मेवारीमा पुग्नुभएको भन्दै यसले संशय पैदा भएको बताउनुभयो । उहाँले प्रधानमन्त्री र सुरक्षा निकायको प्रमुखले पनि न्यायाधीश जस्तो गरी क्लिनचिट दिनुभएको बताउनुभयो । प्रधानमन्त्रीले ठुलो माछालाई काखीमा च्यापेर सानो माछा खोज्नुभएको बताउँदै उहाँले चाँडोभन्दा चाँडो संसदीय समिति बनाउन माग गर्नुभयो ।
संसदीय छानबिन समिति नबनेमा काँग्रेस संसद अवरोध गर्ने तहसम्म पुग्ने सांसद गौतमले चेतावनी दिनुभयो ।
