वीरगंज- गत बैशाख १० गते सम्पन्न उपचुनावमाफर्त बारा क्षेत्र नम्बर दोईबाट प्रतिनिधि सभा सदस्यमा निर्वाचित जसपाका राष्ट्रिय अध्यक्ष उपेन्द्र यादवले मंगलबार सांसदको शपथ ग्रहण गर्नुहुने भएको छ ।
सत्ता गठबन्धनका साझा उम्मेदवार भई निर्वाचनमा जित्नुभएको उपेन्द्र यादव यतिखेर आफ्ना निर्वाचन क्षेत्र बारा दुईमा मतदातालाई धन्याबाद ज्ञापन गर्ने कार्यमा व्यस्त रहनुभएकोले आज आयोजित शपथ ग्रहण कार्यक्रममा सहभागी हुन नसक्नु भएको जसपा मधेश प्रदेशका अध्यक्ष रामबाबु यादवले जनाउनु भएको छ ।
आज शुक्रबार उपनिर्वाचन बाटै चितवन क्षेत्र नम्बर दुईमा निर्वाचित राष्ट्रिय स्वतन्त्र पार्टीका रवि लामिछाने र तनहु निर्वाचन क्षेत्र नम्बर एकमा निर्वाचित रास्वपा कै स्वर्णिम वाग्ले सांसदका शपथ ग्रहण गर्नुभएको छ ।
लामिछाने र वाग्लेलाई सभामुख देवराज घिमिरेले पद तथा गोपनीयताको शपथ खुवाउँदै लोगो वितरण गर्नुभएको हो ।